A
Axencia de Doazón de Órganos e Sangue quere agradecer co agasallo
de rosquillas a todas as persoas que acudan a doar sangue este luns,
12 de febreiro, tanto nas unidades móbiles de ADOS como nos locais
de doazón das sete grandes cidades galegas.
Dende
a Axencia de Doazón de Órganos e Sangue queremos convidar a toda a
cidadanía a doar sangue durante a xornada do luns de Entroido, unha
data especialmente festeira na que ADOS quere agasallar, un ano
máis, a todos os doantes de sangue polo seu altruísmo e inestimable
colaboración que permite levar a cabo de maneira axeitada o gran
labor asistencial dos centros hospitalarios galegos.