Santiago
de Compostela, venres 7 de xullo de 2023.- A Axencia de
Doazón de Órganos e Sangue (ADOS) promove, en colaboración co Concello de A
Laracha, a campaña especial “Verán 2023: TI es o protagonista” neste municipio
coruñés. A iniciativa foi presentada esta maña nunha rolda de prensa que tivo
lugar na Casa do Concello de A Laracha, que contou coa presenza da directora de ADOS, Marisa López García, o
alcalde larachés, José Manuel López Varela e a concelleira de Asuntos Sociais,
Rocio López Rey.Campaña en xullo e agosto
As persoas que
desexen participar nesta campaña, poden acudir á unidade móbil de ADOS nos
seguintes lugares e datas: Praza Concello de A Laracha os días 14 de xullo e 1
de agosto en horario de 10:00 a 14:00 e de 16:00 a 21:00 horas. En Caión, a
unidade móbil estará na Praza o 2 de agosto, de 16:00 a 18:30 horas; e en
Paiosaco será no Campo da Feira, tamén ese mesmo día, de 19:00 a 21:00 horas.